Këshilli i Lartë i Prokurorisë është mbledhur sot dhe ka çelur garën për zgjedhjen e Prokurorit të Përgjithshëm, post i cilit aktualisht mbahet nga Prokurorja e Përgjithshme e Përkohshme, Arta Marku.
KLP do miratojë rregulloren mbi kriteret dhe procedurën për përzgjedhjen e kandidatëve për Prokurorë të Përgjithshëm me një mandat kushtetues 7-vjecar.
Mësohet se për postin e kryeprokurorit kanë shprehur interes disa prokurorë,duke përfshirë dhe kryeprokuroren aktuale të përkohshme Arta Marku. Përveç saj, prokurorët e tjerë që pritet të garojnë për këtë post janë Olsian Çela, Adnan Xholi dhe Plarent Ndreca.
Një nga pikat e tjera të rendit të ditës nga KLP është edhe miratimi i rregullores për vlerësimin e kandidatëve të Strukturës së Posaçme Antikorrupsion.
