“Pranverë e njomë. Malli elektoral si asnjëherë më parë”.
Kështu shkruan ish kryeministri Sali Berisha, teksa poston në profilin e tij në Facebook foton dhe mesazhin e një shtetasi italian, i cili pozon në plantacionet me hashash në veri të vendit.
Sipas denoncuesit, ai ka vizituar Shkodrën së fundmi dhe në malësinë e saj ka mundur të vizitojë një plantacion me kanabis, ku edhe ka pozuar.
Siç shihet edhe në foton e mëposhtme, përveç se është mes hashashit, italiani mban edhe një kallashnikov në dorë.
Ja mesazhi i tij për ish-kryeministrin:
“Përshëndetje dr.Berisha. Po ju shkruaj këtë mesazh pasi së fundmi kam vizituar veriun e Shqipërisë, Shkodrën dhe në malet e saj bëra këtë foto”.
