BallinaAktualitetHolanda: Marrëdhëniet politike në Shqipëri të vështira. Zhgënjim për mosdënimin e zyrtarëve...

Holanda: Marrëdhëniet politike në Shqipëri të vështira. Zhgënjim për mosdënimin e zyrtarëve të lartë

Parlamenti Holandez ka publikuar raportin e vizitës në Shqipëri të delegacionit holandez në Tiranë në 6-8 maj. Në raport, shprehet shqetësimi në lidhje me ndërprerjen e marrëdhënieve mes qeverisë dhe partive opozitare.

“Ka shqetësime në lidhje me marrëdhëniet e ndërprera midis qeverisë dhe partive opozitare. Përfaqësuesit e zgjedhur të popullit nga dy partitë më të mëdha të opozitës kanë bojkotuar aktivitetet parlamentare dhe madje kanë dalë nga Parlamenti në protestë kundër qeverisë, e cila sipas mendimit të tyre e ka komprometuar rezultatin e zgjedhjeve dhe ka shkelur të drejtat e tyre parlamentare. Vendet e tyre janë marrë nga anëtarët e tjerë të partisë të gatshëm për të kryer detyrat e tyre parlamentare. Kjo situatë është një shenjë e marrëdhënieve të vështira politike në Shqipëri. Duke qenë se kjo është një çështje e brendshme politike, raportuesit nuk mund dhe nuk do të bëjnë asnjë gjykim për këtë. Megjithatë, ndarja dhe mungesa e bashkëpunimit pengon funksionimin e demokracisë. Raportuesi shpreson se do të ketë pajtim të shpejtë midis opozitës dhe partive qeveritare”, sqarohet në raport.

Në raport thuhet se Shqipëria po bën përparim serioz në reformat gjyqësore.

“Në rreth 40% të rasteve, zyrtarët janë shkarkuar, në apel, shumica e rasteve janë pranuar. Procesi i verifikimit dhe vlerësimi i kandidatëve të cilët kanë aplikuar për pozita në SPAK janë aktualisht në vazhdim”, thuhet në raport.

Raporti holandez kritikon nivelin e dobët të luftës kundër krimit të organizuar dhe korrupsionit.

“Përsa i përket luftës kundër korrupsionit, janë marrë masa për parandalim, por përsëri numri i ndjekjeve dhe dënimeve penale të nivelit të lartë ka qenë zhgënjyes. Bashkëpunimi mes policisë dhe Prokurorisë publike nuk është gjithmonë i qetë. Shqipëria duhet të vazhdojë më tej në ecurinë e saj në luftën kundër korrupsionit.

 Sa i përket luftës kundër krimit të organizuar, vlen të përmendet se Shqipëria ka arritur rezultate në zbulimin dhe çmontimin e fermave të kanabisit dhe ndjekjen penale. Kjo ka çuar në uljen e tregtisë në drogë: statistikat e qeverisë tregojnë se numri i rasteve të drogave që janë kapur në Itali nga ose nëpërmjet Shqipërisë ka rënë me rreth 80% në vitin 2018. Shqipëria ka ulur gjithashtu pastrimin e parave që vijnë nga krimi“, thuhet në raport.

Raporti nuk jep një qëndrim përfundimtar mbi votën e Holandës për hapjen ose jo të negociatave të Shqipërisë me BE-në, por bëhet e ditur se vendimi do të merret pas konsultimeve me faktorë të brendshëm dhe të jashtëm.

“Secili vend meriton një vlerësim individual mbi meritat e veta. Në fund të fundit, çdo vend është vetë përgjegjës për realizimin dhe konsolidimin e reformave në mënyrë që të përmbushin kriteret e pranimit. Prandaj, është e drejtë që çdo vend të gjykohet në bazë të rezultateve dhe performancës së vet. Ka arsye të mirë pse Komisioni Evropian harton një raport të veçantë të përparimit për secilin vend çdo vit. Nëse arritjet e mira në një vend rezultojnë me një vlerësim pozitiv, kjo gjithashtu shërben si një shembull për vendet e tjera në rajon.”

RELATED ARTICLES

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments