BallinaKronikeGreqi/ Vrasja e studentes, zbulohen detaje për ngjarjen makabre

Greqi/ Vrasja e studentes, zbulohen detaje për ngjarjen makabre

Detaje të reja dalin në dritë për vdekjen e Eleni Tofaloudit në Rodos. Studentja e re e vrarë  brutalisht nga dy të rinjtë ka luftuar shumë për të shpëtuar, por greku dhe shqiptari duket se kishin  vendosur ta vrisnin e ta hidhnin më pas në det. Sipas “Star”, studentja fatkeqe thuhet se pati një vdekje të ngadaltë, të dhimbshme dhe torturuese, e cila u bë me mizori dhe trishtim të veçantë.

Kërcënimi se do t’i denonconte ata, e nxiti edhe më tepër zemërimin e të rinjve. Sipas mediave greke, të rinjtë e  goditën dhe e kërcënuan studenten me thikë dhe më pas e hodhën nga shkëmbi. Sjellja e tyre kriminale është cilësuar si e pazakontë dhe e paparashikueshme.

Natyrisht, në marrjen në pyetje ata nuk mbajnë asnjë përgjegjësi për vete, por fajet ia kalojnë njëri tjetrit. Për të gjitha këto arsye, ndalimi i tyre është bërë  në burgun  e Grevenas, pas  gjashtë muajsh nga dita kur u arrestuan të akuzuar për një nga krimet më të shëmtuara në Greqi.

Në raportet e mëparshme të mediave fqinje thuhej se studentja greke është torturuar nga shqiptari, ndërsa ky i fundit siç raportojnë ata, i ka kërkuar studentes greke të kryejë marrëdhënie seksuale edhe me shokun e tij grek. Ky pretendim është mohuar në mënyrë kategorike nga të rinjtë, të cilët vijojnë të mbahen të mbyllur në lidhje me vrasjen makabre të studentes greke, ndërsa zbardhja e plotë e ngjarjes duket se është ende shumë larg.

RELATED ARTICLES

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments