Ora/Basha mbledh aleatët dhe kryesinë e PD për të diskutuar rreth krizës politike

Partia Demokratike do të mbledhë Kryesine mbrëmjen e sotme në orën 19:00. Lajmi bëhet i ditur nga burimet pranë selisë blu. Mësohet se në qendër të takimit do të jetë kriza politike në të cilën është futur vendi dhe paligjshmëritë e vendimeve të marra nga mazhoranca dhe sot nga KQZ-ja që ka rrëzuar dekretin e Presidentit Ilir Meta për të shtyrë zgjedhjet. Në orën 18:00 mësohet se kreu i PD-së Lulzim Basha do të zhvillojë një takim me aleatët opozitarë. Gjatë takimeve do të diskutohen hapat që do të ndërmarrë opozita në këtë situatë të rëndë politike.