Policia ka publikuar pamjet e operacionit ‘Krasta’, ku sot në Elbasan u arrestuan disa persona, midis tyre edhe shtetasi Florenc Çapja, anëtar i një prej familjeve të dyshuara për lidhje me veprimtari kriminale në qytetin e Elbasanit.
Në këtë operacion sipas Policisë u goditën anëtarë të dy grupeve që operojnë prej vitesh në këtë qytet, ku u arrestuan 8 persona mes të cilëve edhe dy anëtarë të fisit Çapja.
Në këtë operacion u shoqëruan mbi 60 persona, ku një prej të shoqëruarve është dhe Ardian Çapja i cilësuar si koka e familjes ndaj të cilit janë kryer më herët dhe disa atentate.
Ja pamjet e operacionit "Krasta".Në kuadër të operacionit "FORCA E LIGJIT", në bashkëpunim me Prokurorinë e Rrethit Gjyqësor Elbasan, Policia e Shtetit finalizoi operacionin policor "KRASTA", ku u zbardhën dhe u dokumentuan me prova ligjore 3 ngjarje kriminale të ndodhura më parë. Gjatë operacionit u godit edhe një rast korrupsioni i kryer nga punonjës shtetërorë të Autoritetit të Mediave Audiovizive (AMA) dhe të sektorit privat. (Procedim i nisur në vitin 2017)Operacioni, u zhvillua nga Njësia Hetimore pranë Task – Forcës Speciale Qendrore, në Departamentin e Policisë Kriminale. Në operacion u përfshinë edhe Drejtoria Vendore e Policisë Elbasan në bashkëpunim më Prokurorinë e Rrethit Gjyqësor Elbasan, Forcat Speciale RENEA, FNSH-ja dhe Drejtoria Vendore e Policisë Tiranë.Gjatë këtij operacioni u bënë kontrolle të shumta në banesa dhe ambiente të tjera. U arrestuan dhe u ndaluan 10 persona si dhe u shpallën në kërkim 5 të tjerë. U sekuestruan dy armë zjarri, radio policie, dylbi, drogë, municion e sende të tjera. Gjithashtu u shoqëruan disa persona për verifikim
Gepostet von Policia e Shtetit am Freitag, 14. Juni 2019
