BallinaAktualitetGrupimi i Qendrës së Djathtë: Shqiptarët të mos bëhen pjesë e farsës...

Grupimi i Qendrës së Djathtë: Shqiptarët të mos bëhen pjesë e farsës së 30 qershorit

Grupi i Qendrës së Djathtë i përbërë nga disa parti të opozitës (PR, PDK, PAA, LZHK dhe PBDNJ) , u është drejtuar përmes një deklarate për shtyp qytetarëve, duke u kërkuar që të mos bëhen pjesë e procesit zgjedhor më 30 qershor.

Në deklaratë theksohet se Shqipëria pas tre dekadash, rrezikon të humbasë pluralizmin politik. Sipas grupimit, zgjedhjet e 30 qershorit janë antidemokratike, antikushtetuese dhe në shkelje të hapur me dekretin presidencial.

Njoftimi i Grupimit të Qendrës së Djathtë:

Të nderuar qytetarë, si rrallëherë në këto tri dekada, vendi ndodhet në një udhëkryq të rrezikshëm që kërcënon një arritje të shenjtë për çdo popull: Pluralizmin politik.

Në kundërshti totale me ligjin dhe me dekretin e Presidentit, tashmë të botuar në fletoren zyrtare të Republikës së Shqipërisë, përfaqësuesit e ‘Rilindjes’ vijojnë moskokëçarës projektin e tyre për zgjedhje monopartiake.

Fasada institucionale me të cilën kanë veshur kapjen e tri pushteteve, legjislativ, ekzekutiv dhe gjyqësor, po përdoret për të simuluar ligjshmërinë në sytë e qytetarëve shqiptarë dhe të huaj.

Përballë kësaj organizate, vlerat morale të së cilës u shpalosën qartë në sytë e gjithë botës nga përgjimet e publikuara nga gazeta gjermane Bild, e vetmja alternativë është qëndresa qytetare.

Për këtë arsye, Grupimi i Qendrës së Djathtë, në unison me opozitën e bashkuar, i bën thirrje qytetarëve shqiptarë të mos bëhen pjesë e procesit farsë të 30 Qershorit dhe të refuzojnë me neveri votime antikushtetuese dhe antidemokratike.

Ne inkurajojmë Aleancën Qytetare për Mbrojtjen e Demokracisë të vijojë misionin e saj legjitim, për të bërë, as më shumë dhe as më pak sesa atë që bëjnë të gjithë popujt liridashës, nga të cilët ne frymëzohemi kur demokracia është në rrezik!

spot_imgspot_imgspot_imgspot_img
spot_img
RELATED ARTICLES

Most Popular