Konfirmohet pjesmarrja e ulët në Kamëz, 9.9%. Xhelal Mziu: Qytetarët bojkotuan votimin monist

Qytetarët e Kamzës nuk i janë përgjigjur datës 30 qershor për të marr pjesë në zgjedhjet monopartike që na kthejnë imazhet e diktaturës. Prej orës 07:00 të ditës së sotme kur janë hapur kutitë e votimit deri në mbyllje pjesmarrja e qytetarëve është 9.9%.
Kryebashkiaku i Kamzës Xhelal Mziu, i është drejtuar me një thirrje bashkëqytetarëve për të bojkotuar zgjedhjet farsë dhe duke iu kujtuar se zgjedhjet vendore në Shqipëri me dekret presidenti mbahen në 13 tetor! Xhelal Mziu i është bashkuar nismës “Edhe unë” të rrjeteve sociale, të cilën e kanë “firmosur” mijëra intelektualë shqiptarë dhe qytetarë të thjeshtë.
“Unë nuk votoj”! – shkruan Mziu në FB. – Të dashur bashkëqytetarë të Kamzës, bojkotoni me neveri zgjedhjet farsë e moniste. Zgjedhjet, më 13 tetor 2019.”