Po shoqërohet me pasaktësi të shumta procesi i numërimit të votave në disa bashki të vendit.
Komisioni Qendror i Zgjedhjeve ka mbyllur numërimin dhe ka shpallur fituesit në gjysmën e bashkive, por procesi nuk rezulton të jetë i rregullt.
Kjo referuar në të dhënat zyrtare të KQZ, e cila jep tjetër shifër për numrin e zgjedhësve dhe tjetër shifër për votat e fituesit.
Pas bashkive të Lushnjës, Divjakës dhe Malësisë së Madhe, edhe në Vorë kandidati i Partisë Socialiste, Agim Kajmaku, ka marrë më shumë vota, nga sa ka qenë numri i votuesve.
Kështu, KQZ raporton se në Vorë kanë votuar 6120 persona, ndërkohë që Kajmaku i PS shpallet fitues me 6208 vota.
