Kreu i PD-se, Lulzim Basha ka reaguar ashpër pas situates me te fundit ne Bashkine e Devollit, ku kryetari i dalë nga votimet moniste të 30 qershorit ka hyrë në zyre i shoqëruar nga policia dhe duke shqyer portat e institucionit.
Sipas Bashës, ky është një uzurpim me dhunë i qeverisjes lokale, kundër vullnetit të popullit.
Me një shënim në faqen e tij në Facebook, Basha shkruan se “Ky regjim kriminal dhe plaçkitës po hyn në rrugën e verbër të përplasjes me popullin e tij”.
Reagimi i plotë Bashës
Pushteti i paligjshëm i 6% po uzurpon me dhunë qeverisjen lokale, kundër vullnetit të popullit.
Ky regjim kriminal dhe plaçkitës po hyn në rrugën e verbër të përplasjes me popullin e tij.
Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët!
