BallinaPolitikeRama sjell tjetër zë pro teatrit të ri: Ja ç’mendon aktorja Konjari

Rama sjell tjetër zë pro teatrit të ri: Ja ç’mendon aktorja Konjari

Kryeministri Edi Rama sjell këtë pasdite në vëmendje një tjetër zë të fortë të artit shqiptar, që mendon se Shqipëria duhet të ketë një Teatër të ri Kombëtar.

Kreu i qeverisë citon aktoren e njohur, Suela Konjari, e cila shprehet se teatri është mbi partitë, ndaj dhe për këtë çështje duhen tejkaluar bindjet partiake. Sipas saj, teatri na jep mundësi për ta dashur dhe besuar më shumë njëri-tjetrin.

Mesazhi i Ramës:

Suela Konjari i përket gjeneratës që doli në skenë në vitet e vështira të ndryshimit të sistemeve dhe spikati me rolet e saj përpara publikut të Teatrit Kombëtar. Në çështjen e shumëdebatuar të godinës së teatrit, ajo ndan të njëjtin opinion me shumicën dërrmuese të komunitetit teatror

SUELA KONJARI:
Kur mbaron një shfaqje teatri, melodia e parë që vjen për aktorin në skenë janë duartrokitjet e publikut. Me këtë dua të them, ju ftoj të gjithëve, veten time të parën, ju dhe gjithë kolegët e mi, edhe specialistët, që t’i tejkalojnë bindjet partiake, teatri është mbi partitë.

Shpresoj shumë dhe do të dëshiroja që të arrihet një gjuhë e përbashkët sepse çelësi sekret për t’i zgjidhur problemet në këtë botë kaq të ndërlikuar ku jetojmë, është thjesht dashuria, ta dëgjojmë dhe besojmë njëri-tjetrin. Teatri na jep mundësinë që ta duam njëri-tjetrin dhe ta besojmë. Shpresoj që të arrijmë më të mirën e mundshme.

spot_imgspot_imgspot_imgspot_img
spot_img
RELATED ARTICLES

Most Popular