BallinaKronikeZbardhet krimi/U plagos me plumb në kokë në “Myslym Shyri”, ndërron jetë...

Zbardhet krimi/U plagos me plumb në kokë në “Myslym Shyri”, ndërron jetë i riu, prangosen autoret

Ka ndërruar jetë në spital 26-vjeçari Indrit Çelaj, që u plagos me plumb në kokë një ditë më parë, në zonën e “Myslym Shyrit”, në Tiranë. Ngjarja e rëndë ndodhi mesditën e djeshme, në rrugën “Muhamet Gjollesha”, teksa i riu ishte duke punuar për kondicionimin e një vile.

Ndërkohë, policia ka arrestuar dy autorët e dyshuar të ngjarjes dhe vijon hetimet për zbardhjen e plotë të saj.

I riu ka ndërruar jetë në Spitalin e Traumës. 26-vjeçari nga Mallakastra ishte me profesion teknik kondicioneri, montimesh, riparimesh e aspirimesh të ambienteve.

Zbardhet krimi

Policia e Tiranës ka zbardhur ngjarjan e rëndë të ndodhur dje në “Myslym Shyri”, teksa u qëllua me plumb në kokë26-vjeçari Indrit Çelaj. Sipas uniformave blu, i riu dyshohet të jetë qëlluar nga dy vëllezër, që janë djemtë e pronarit të vilës, në të cilën po punonte për kondicionimin.

Policia sqaron se nga hetimi ka rezultuar “se ne ambientet e katit të parë të godinës trekatëshe, shtetasi G.K, 31 vjeç, në bashkëpunim me vëllain e tij, shtetasin A. K, 28 vjeç, pas një konflikti të çastit me shtetasin I.Ç, teknik kondicionerësh, i cili po kryente kondicionimin e vilës, ka plagosur rëndë me armë zjarrin shtetasin I.Ç, i cili mëngjesin e sotëm ka ndërruar jetë në spital”.

Dy autorët e krimit janë shpallur në kërkim, ndërsa janë arrestuar katër bashkëpunëtorët në krim. Gjithashtu, policia sqaron se autorët e vrasjes kanë biseduar me shokun e tyre, shtetasin L. V., i ndaluar në orët e vona të natës, dhe i kanë kërkuar që të merrte përsipër autorësinë e ngjarjes.

Njoftimi i policisë:

Zbardhet dhe dokumentohet me prova ligjore ngjarja e ndodhur ditën e djeshme, në rrugën “Muhamet Gjollesha”, në Tiranë, ku mbeti i plagosur rëndë me armë zjarri 26-vjeçari I.Ç, i cili mëngjesin e sotëm ka ndërruar jetë në spital.

Shpallen në kërkim për veprat penale “Vrasje me dashje” në bashkëpunim, “Prodhimi dhe mbajtja pa leje e armëve luftarake dhe e municionit”, dy vëllezër, djemtë e pronarit të vilës, si autorë të dyshuar të ngjarjes.

Arrestohen në flagrancë për veprat “Moskallëzimi i krimit” dhe “Veprime që pengojnë zbulimin e së vertetes”, 4 shtetas, mes tyre edhe pronari i vilës.

Sektori për Hetimin e Krimeve të Rënda në bashkëpunim me Prokurorinë e Rrethit Gjyqësor Tiranë, pas një pune hetimore intensive, duke përdorur edhe metodat speciale të hetimtit, ka bërë të mundur zbardhjen dhe dokumentinin e ngjarjes së ndodhur më datë 22.08.2019, rreth ores 11.00, në rrugën “Muhamet Gjollesha”, Tiranë.

Si rezultat i veprimeve hetimore të kryera, rezultoi se ne ambientet e katit të parë të godinës trekatëshe, shtetasi G.K, 31 vjeç, në bashkëpunim me vëllain e tij, shtetasin A. K, 28 vjeç, pas një konflikti të çastit me shtetasin I.Ç, teknik kondicionerësh, i cili po kryente kondicionimin e vilës, ka plagosur rëndë me armë zjarrin shtetasin I.Ç, i cili mëngjesin e sotëm ka ndërruar jetë në spital.

Gjithashtu janë arrestuar në flagrancë shtetasit:

E.S., 43 vjeç, për veprat penale “Vrasja me dashje” në bashkëpunim, “Prodhimi dhe mbajtja pa leje e armeve luftarake dhe e municionit” dhe “Përkrahja e autorit të krimit”.

F. B, 41 vjeç, B. K., 54 vjeç dhe L. Ç., 36 vjeç, për veprat penale “Moskallëzimi i krimit” dhe “Veprime që pengojnë zbulimin e së vertetës”, pasi dyshohet se kanë qenë prezent ne momentin që ka ndodhur ngjarja dhe nuk kanë njoftuar organet kopetente sipas detyrimit ligjor.

Vijon puna për kapjen e autorëve të shpallur në kërkim.

Po nga veprimet hetimore, rezultoi se këta shtetas kanë biseduar me shtetasin L.V, me të cilin kishin lidhje shoqërore dhe i kanë kërkuar që të merrte përsipër autorësinë e ngjarjes.
Si rezultat i veprimeve të kryera, shtetasi L.V., 27 vjeç banues në Tiranë, gjatë orëve të vona të natës është ndaluar nga Policia e Tiranës, pasi Gjykata e Rrethit Gjyqësor Tiranë ka caktuar masën e sigurisë “Arrest në burg “, për veprat penale “Kundërshtim me dhunë i punonjësit të policisë së rendit publik”, “Prodhimi dhe mbajtja pa leje e armëve lufatarke dhe municionit” dhe “Shkatërrimi i pronës”.

Materialet do t’i kalohen Prokurorisë së Rrethit Gjyqësor Tiranë për veprime të mëtejshme.

spot_imgspot_imgspot_imgspot_img
spot_img
RELATED ARTICLES

Most Popular