Nga Skerdjan Dhuli
Pas zgjedhjeve te parakohshme ne Kosove, rezultati doli e qeveria ra. Opozita fitoi sepse diti te fitoje, ndersa kasta politike u zhduk, duke marre me vete Hashim Thacin si shembullin perfekt te mizerjes politike.
Por ato qe mesova jane keto:
- Ne Kosove zgjedhjet administrohen ndryshe. Numerimi i votave behet ne kohe rekord sepse s’ka banda jashte ambenteve te votimit.
Kur te diskutohet reforma zgjedhore ne shqiperi, ato KZAZ duhet ti fusin nga kane dale, dhe numrimi i votave te behet ne qendren e votimit. Direkt pas mbarimit te procesit. Koha e shqiptareve qe vriten per vota ka vdekur prej kohesh.
Lam kokrren e namit me numerimin. Deshtim historik. - Opozita ne Kosove (LDK) per te fituar, beri ate qe pranon cdo teori politike per te synuar fitoren kur je ne opozite: Qarkullim elitash brenda partise, dhe pranim kritikesh, mendim ndryshe. Vete kandidatja per Kryeministre Vjosa Osmani eshte prova kokeforte e ketij argumenti.
Mesim qe duhet ta marre urgjent edhe PD.
PS i ka lare shpejt duart nga keto vlera. - Partite e Luftes iken. E bene ciklin e tyre dhe padyshim asnjera prej tyre nuk do te mbijetoje pasi nuk jane mirefilli parti politike po qendra te fortesh qe uzurpuan pushtet dhe shtet per vite me radhe.
Nje mesim qe duhet ta marrin dhe PD-PS ne Shqiperi per te ndryshuar sjelljen menjehere, ndryshe do kene fatin e PDK. Me “kryetar te ri” por me fatin e shkruar qysh ne krye te heres. - Sistemi elektoral prodhoi meriten. Mbase ka ardhur koha qe edhe ne ta ndryshojme sistemin.
Kujdes !
Une ende vazhdoj te besoj se listat do i bejne kryetaret, sepse e njoh mendesine e tyre.
Per ta, servili vlen me shume se idealisti e ai qe ka para vlen me shume se njeriu me fiber politike. - Pushteti duhet te sillet si e drejte qeverisese e jo si mundesi sundimi dhe uzurpimi i te gjitha pushteteve paralele dhe aseteve publike qe gjen pepara.
Sepse populli nuk ha bar, dhe flakja ne rruge eshte e pameshirshme. - Opozita duhet doemos te mos beje kompromis me pushtetin, per asnje arsye. Cdo tentative per t’ia hedhe popullit dhe sidomos votuesve te saj, eshte nje vetevrasje qe te zhduk nga politika.
Shih LDK qe nuk ju fal kurre aleanca me Thacin para do vitesh. Aleance e cila me shume se kujtdo tjeter, i sherbeu VV.
Por ka edhe disa zhgenjime te mijat duke i ndjekur debatet e fushates zgjedhore por edhe rezultatin ne Kosove.
1. Asnjera nga partite politike, me perjashtime te rralla kandidatja e LDK, Vjosa Osmani, nuk ka folur per Kosoven ekonomike.
Te gjithe jane varur ne grepin e diplomacise ballkanike, rolin e Serbise si dhe tek administrimi i aseteve publike.
Ky eshte mentalitet neokomunist. Kosoves i duhen investitore te huaj per te hapur vende pune. I duhet force ekonomike per te mbyllur gropen e madhe te papunesise dhe varferise.
2. Fitorja e Albin Kurtit, nje neo-komunist i pandreqshem, eshte nje dite e zeze per Kosoven. Koha do ta vertetoje. Por bindja ime absolute eshte se neo-komunistet jane nje rrezik i madh per Kosoven dhe Shqiperine.
E megjithate, Kosova tregoi edhe nje here si shume here, sa hapa perpara Shqiperise eshte ne raport me shtet-ndertimin.
