Pak pas mesazhit të fortë të kryetarit të opozitës Lulzim Basha, drejtuar shqiptarëve, për të refuzuar kryeministrin që bllokoi negociatat, ka reaguar edhe ish-kryeministri Sali Berisha me një thirrje të fuqishme:
‘Të shporrim një minutë e më parë monstrën, Rama ik!’
Berisha ka paralajmëruar për rrezikun tjetër, që po i kanoset shqiptarëve, pas mosçeljes së negociatave për vendin:
Atë të pengimit të lëvizjes së lirë të tyre në Evropë, një arritje e madhe kjo e disa viteve me parë.
‘Me kriteret dhe standartet e plotësuara, shqiptarët fituan lëvizjen e lirë në Europë si arritjen e jetës së tyre, – shkruan Berisha në Fb. –
Kjo arritje kërcënohet seriozisht çdo ditë e më shumë nga politika e Vaso Çubrilloviçit, e spastrimit etnik të shqiptarëve, që ndjek Zografi Bis; kërcënohet nga eksportet e krimit, drogës, armëve dhe trafiqet e tjera kriminale të narkoshtetit të tij.
Të shporrim një minutë e më parë monstrën! Rama ik!’
