KUJDES: PAMJE TE RENDA
Një oficer meksikan, i përfshirë në arrestimin e djalit të trafikantit të drogës, El Chapo, u ekzekutua në një parkim.
Pamjet e kamerave tregojnë momentin e tmerrshëm kur të paktën dy persona të armatosur me armë gjysmëautomatike zbresin nga një makinë e kuqe dhe hapin zjarr mbi makinën Nissan.
Gjithçka zgjati rreth 30 sekonda dhe sipas Daily Mail, autorët qëlluan të paktën 150 plumba mbi makinën e bardhë.
Autoritetet thanë se oficeri i vdekur quhet Eduardo ‘N’, 32 vjeç.
Viktima ishte oficer i lartë në policinë e Sinaloas.
Mediat thonë se vrasja ishte hakmarrje ndaj arrestimit të djalit të El Chapo-s, Ovidio Guzman Lopez.
Forcat policore e arrestuan djalin e El Chapo-s dhe e ulën në gjunjë, por u detyruan të tërhiqen pasi u rrethuan nga njerëzit e kartelit.
Kjo ngjarje provokoi një luftë të vërtetë.
