Avokati i banorëve të Unazës së Re, Artan Manushaqe, në një deklaratë për mediat, transmetuar nga Zëri i Amerikës, tha se një zotëri rreth të 60-ve ka një frakturë, një çarje në kokë dhe është në reanimacion pas përplasjes me Policinë. Po ashtu, ai zbuloi një fakt tjetër të rëndë.
“Më parë ka pasur edhe banorë të Unazës që kanë marrë mjekim dhe sapo janë larguar. Do të marrim informacion edhe për ndonjë punonjës të Policisë, sepse natyrisht edhe ata janë njerëz, janë qytetarë.
Unë kam qënë prezent tek protesta ; sulmi është bërë nga autoritetet shtetërore , në veçanti nga Policia e Shtetit dhe INUK; është sulmuar në mënyrë të paparalajmëruar ndaj banorëve të Unazës së Re, gra, pleq fëmijë që ishin mbledhur në ambient.
Di që është hedhur gaz lotsjellës brenda në një ambient ku ka pasur fëmijë, gra dhe pleq,pa paralajmërim, është sulmuar nga të dyja krahët ambienti ku kanë qenë, pastaj është hedhur gaz, sprajt, janë bërë procedime. Janë dhunuar në mënyrë ligjore dhe etike nga segmente të caktuara të Policisë së Shtetit.
Gjendja është shumë e tensionuar, ka një dhunë, respresion në zonë këto 3-4 ditët e fundit. Sepse sipas urdhrave që ka marrë ekzekutivi, banesat duhet të shemben. Jemi në paligjshmëri totale, sepse siç e ka thënë OKB, nuk lejohet shpërngulja masive pasi shkelen liritë dhe të drejtat themelore të individit, e drejta e qëndrimit në banesë. Nuk mund të dhunohen në mënyrë të tillë banorët.
I ftoj banorët të vazhdojnë rezistencën qytetare në mbrojtje të garancive kushtetuese dhe të mos e lejojë këtë pushtet t’u marrë banesat dhe pronat.”
