BallinaEkonomiMinistri bullgar i Transportit, Teknologjisë së Informacionit dhe  Komunikimit viziton Telekom Albania

Ministri bullgar i Transportit, Teknologjisë së Informacionit dhe  Komunikimit viziton Telekom Albania

Ministri bullgar i Transportit, Teknologjisë së Informacionit dhe Komunikimit, Z. Rossen Jeliazkov, vizitoi kompaninë Telekom Albania gjatë vizitës së tij zyrtare në Tiranë, e cila pati në fokus bashkëpunimin ekonomik dhe strategjik mes Shqipërisë dhe Bullgarisë. Kompania Telekom Albania është aktualisht investimi më i madh me kapital bullgar në vendin tonë.
Gjatë vizitës së tij, Ministri Jeliazkov u takua me drejtuesit e lartë të Telekom Albania, ku u informua lidhur me planet e afërta të investimit që do të kryejë kompania për përmirësimin e ndjeshëm të infrastrukturës së rrjetit dhe teknologjisë.
Telekom Albania sapo ka marrë liçensën për përdorimin e brezit të frekuencave 800 MHz për vlerën 7.5 milionë Euro, dhe do të investojë për të sjellë teknologjinë më të fundit për rrjetin 4G/4G+. Ky angazhim, i shoqëruar me ekspertizën profesionale dhe infrastrukturën moderne, i hapin rrugën Telekom Albania për të qenë kompani lider në sektorin e telekomunikacionit në Shqipëri.
“Jam shumë i gëzuar që më jepet mundësia të vizitoj Telekom Albania, investimin më të madh bullgar në Shqipëri, dhe njëkohësisht një nga kompanitë më të rëndësishme në vend”, u shpreh Ministri Jeliazkov.
Ai përgëzoi gjithashtu skuadrën drejtuese të Telekom Albania për arritjet e tyre të deritanishme dhe shprehu mbështetjen e tij për zhvillimin e mëtejshëm të telekomunikacionit në Shqipëri.
Ambasadori i Republikës së Bullgarisë në Shqipëri Z. Momchil Raychevski ishte gjithashtu i pranishëm gjatë vizitës së Ministrit Jeliazkov në Telekom Albania.

spot_imgspot_imgspot_imgspot_img
spot_img
RELATED ARTICLES

Most Popular