Forcat RENEA dhe Policia e qytetit rajonal kane ndermarre nje aksion sot në Gjirokastër duke prangosur nje person te dyshuar per nje krim te ndodhur tre vjet me pare.
Ky i fundit, mëson Panorama, ishte shpallur në kërkim prej dy vitesh për vrasjen e kushëririt të tij dhe plagosjen e një tjetri.
Korespondentja e Panorama raporton se fillimish RENEA rrethoi banesën dhe me pas hyri brenda duke bërë të mundur arrestimin e tij. Në banese iu gjet një armë zjarri tip pistoletë.
Ngjarja per te cilen ai akuzohet nga ndodhur në mars të 2016, ku i vrarë mbeti Dorian Lluka, 29-vjeç dhe u plagos Birbil Lluka, 31 vjeç, banues në Gjirokastër.
Enerik Lluka akuzohet si autor i një konflikti për çështje pronësie mes tij dhe dy vëllezërve Dorian dhe Birbil Lluka. Konflikti me armë me pasojë vdekjen e Dorian Llukës, 29 vjeç ndodhi pasditen e të martës së 22 marsit 2016 në afërsi të fshatit “Andon Poçi”, në aksin nacional Gjirokastër – Kakavije.
Autori i ngjarjes, kushëriri i dytë i tyre, Enerik LLuka, 28 vjeç, ka debatuar me të dy vëllezërit dhe ka qëlluar drejt tyre duke i lënë njërin të vrarë dhe tjetrin të plagosur rëndë.
Një borxh i pashlyer, prej 10 mijë eurosh, duket se ka qenë edhe shkaku i konfliktit mes kushërinjve Lluka.