Kryetari i Lëvizjes Vetëvendosje, Albin Kurti, ka komentuar kërcënimin me jetë që ka marrë publikisht përmes Facebook-ut nga kandidati i Nismës Socialdemokrate, Haxhi Hoti.
Kërcënimi i Hotit sipas Kurtit “nuk është ndonjë gjë e madhe”. Ai ka preferuar që vlerësimin e këtij kërcënimi t’ua lërë organeve të drejtësisë.
Por Kurti ka një kërkesë për hetuesinë kosovare. Ai kërkon që Hoti të lirohet dhe festën e fundvitit ta presë pranë familjes së tij.
“Unë nuk jam John Fitzgerald Kennedy kurse z. Haxhi Hoti nuk është Lee Harvey Osëald. Nuk mund t’i vlerësoj çështjet e sigurisë dhe as të përzihem në ato të drejtësisë, por besoj që do të ishte mirë që z. Hoti të lirohet e ta presë Vitin e Ri 2020 me familjen e tij në shtëpinë e tij”, shkruan Kurti.
