I ftuar në emisionin “Arena” nga Dritan Hila, në RTV ORA, eksperti i ekonomisë Pano Soko, ka thënë se 800 milionëshi i kredisë që është dhënë nga konferenca e donatorëve, nuk mund të tërhiqet nga Shqipëria, edhe dy vite, pasi sipas tij një gjë të tillë nuk e lejon ligji shqiptar.
Pano Soko: Ne sivjet nuk e marrim kredinë, për shkak të eurobondit, edhe vitin tjetër me shumë mundësi kreditorët do të kushtëzojnë politikën e borxhit në Republikën e Shqipërisë. Ne kemi pasur një limit për të marrë borxh, 61 miliardë e 727 milionë lekë. Dhe ligji thotë se deficiti është 37 miliardë, çfarë do të thotë? Nëse ne do të marrim 600 milionëshin e eurobondit, i cili është i nominuar, ky lekë do të jetë eurobond. Diskutimi është se kur bankat kanë ofruar kredi me 0 lekë, pse të mos e bëjmë 0 Eurobondin?
