Meta dhe Basha, një orë takim kokë më kokë në Presidencë

Presidenti Ilir Meta ka pritur në një takim kokë më kokë liderin e opozitës Lulzim Basha. Takimi është zhvilluar në Presidencë dhe ka zgjatur rreth 60 minuta. Ende nuk është zbuluar se cila ka qenë tema që është diskutuar mes Metës e Bashës. Takimi vjen një ditë pas tubimit të mbajtur nga ana e Presidentit Ilir Meta, i cili firmosi dekretin për rikthimin në kuvend të ligjit për betimin e gjyqtarëve. Meta po ashtu u betua dje se nëse qeveria nuk reflekton për ligjin në fjalë, pas 15 marsit ai do të firmosë dekretin për shpërndarjen e parlamentit.