Qeveria do të mblidhet të hënën në një takim të jashtëzakonshëm për masat kundër koronavirusit. Takimi i cili pritet të zhvillohet rreth orës 9:00, pritet të ketë në fokus masat e marra dhe raportimin e Ministrave përgjegjës para kryeministrit.
Kujtojmë se këtë të diel, Presidenti Ilir Meta iu drejtua me një apel qeverisë që të përforcojë masat kundër një përhapje të mundshëm të virusit Covid19. Meta sugjeroi dhe marrjen e masave të llojit ‘të zonës së Kuqe’ që po përdorin vendet e prekura tashmë me virusin e rrezikshëm.
