Policia e Durrësit ka njoftuar ditën e sotme se është gjetur përsëri një person i pajetë rreth orës 13:15 në Sukth. Bëhet fjalë për një 44 vjeçar i cili është gjetur i pajetë në afërsi të rrugës dytësore.
Sipas policisë nuk janë konstatuar shenja dhune ndërkohë që grupi hetimor po punon për zbardhjen e ngjarjes.
Njoftimi i policisë:
“Durrës/Informacion paraprak
Më datë 10.03.2020, rreth orës 13:15, në Fermë Sukth, është gjetur i vdekur në afërsi të rrugës dytësore Fllakë-Sukth shtetasi E.K.,44 vjeç.
Nga kqyrja paraprake nuk janë konstatuar shenja dhune.
Grupi hetimor ndodhet në vendngjarje dhe po punon për zbardhjen e ngjarje“, thuhet në njoftimin e policisë.
