Nga Red Varaku
Në Shqipëri rreziku ekonomik që po prodhon virusi është shumë herë më i rrezikshëm se rreziku që mund të sjellë ky virus për shëndetin publik.
Nëse vazhdohet kështu pasojat e tij do të jenë të paimagjinueshme. Me mijëra njerëz pritet të dalin pa punë për shkak të falimentimit të bizneseve.
Nëse qeveria nuk ndërhyn menjëherë, atëherë padyshim që kjo situatë mund të dalë jashtë kontrollit dhe të prodhojë destabilitet në të gjitha kuptimet .
Akoma nuk e kemi të qartë shpërndarjen e virusit për shkak të mungesës së tamponeve, por gjithsesi deri tani nuk kemi shifra alarmante në kuptimin e shëndetit publik.
Por, ekonomikisht po ndodh e kundërta. Situata duket se po shpërthen për shkak edhe të situatës globale.
Nëse nuk ndërhyet në mënyrë radikale ky virus do të këpusë zinxhirët që mbanin të lidhur zemërimin ndaj dështimeve të kësaj qeverie.
Duhet patjetër që qeveria menjëherë të vaksinojë ekonominë në mënyrë që të parandalohet pandemia e urisë, e cila nëse shpërthen, me siguri që do të shkaktojë më shumë vdekje se vetë virusi kinez.
