4 anëtarë të një familje në Vlorë, sipas burimeve kanë rezultuar pozitiv me COVID-19. Ata kanë shfaqur simptoma të ngjashme me koronavirus dhe tashmë ndodhen në Spitalin e Infektivit në Tiranë dhe po marrin trajtim të specializuar.
Gjithashtu është mësuar se kryefamiljari punonte si shitës ambulant.
ABC News raporton se qytetarët janë nisur në drejtim të Tiranës për shkak të simptomave që kanë shfaqur. Mjekët e Vlorës kanë vendosur që t’i dërgojnë drejt Tiranës për të marrë mjekim më të specializuar.
Familjarët që tashmë janë në Spitalin e Infektivit janë gjyshja 77-vjeçe, çifti 69 dhe 50 vjeç dhe djali i tyre 24-vjeç.
Djali tjetër i tyre ka ardhur nga Bergamo, aktualisht ndodhet jashtë shtetit, ai nuk ka shfaqur problematikë apo simptoma dyshuese të COVID-19.
Fillimisht kushdo që ka simptoma njofton 127 dhe më pas komunikohet nëse do të trajtohet në Vlorë apo në Spitalin Infektiv.
Banorët kanë folur për “Abc News”, duke shprehur edhe shqetësimin e tyre për rastin në fjalë.
“Është shoku jonë, e kemi pasur shumë pranë. Thonë se janë infektuar si familje”, u shpreh një nga qytetar.
“Jemi shumë të frikësuar, i kemi pasur shumë afër”, tha një tjetër qytetar.
“Është tmerr kjo që po dëgjojmë, nuk është shaka”, u shpreh një banor i zonës.
