I ftuar rreth një javë më parë në “Real Story” në News 24, kryeministri Edi Rama iu përcolli një mesazh të fortë qytetarëve shqiptare, duke i kërkuar të harronin jetën që bënin para se të mbërrinte Koronavirusi.
Kreu i qeverisë iu drejtua shqiptare, duke iu thënë se duhet të kuptojnë sa më parë që janë në luftë, ku ju duhet të rrinë edhe pa ngrënë.
Por ajo që bëri më shumë përshtypje, por që nuk tërhoqi vëmendjen e duhur, ishte krahasimi që i bëri ushtrisë sonë me atë amerikane, më e madhja në planet.
“Gjithë ajo shkencë, gjithë ato triliona për bomba e për të shkuar në mars nuk vlejnë. Ushtria amerikane sot ka të njëjtën vlerë si ushtria shqiptare, dmth zero. Pra, jemi në një situatë absurde, ku nuk do na thotë kush ‘ja ku është rruga’. Do humbim njerëzi, s’diskutohet, por do të humbim shumë më pak, nëse në luftë do të shkonim duke kënduar napoleonin. Do të kemi plagë, por jo sa, nëse do të shkonim të gjithë si cjapi te kasapi. Do duhet të ecim hap pas hapi dhe thirrja për njerëzit është ‘harrojeni, harrojeni jetën që bënit më përpara. Kjo nuk është jetë, por mbijetesë. Fokusohuni te lufta, që t’ia dalim. Njerëzit në luftë rrinë edhe pa ngrënë një e dy ditë dhe e ruajnë atë që kanë për ditën e tretë”, do të shprehej Rama.
