Në daljen dje për mediat, kryeministri Edi Rama bëri një lapsus, në vend që të thoshte 21 të vdekur tha 51.
Përmes një postimi në Facebook, ish-gazetari i BBC, Ilir Kadia i kujton kryeministrit ‘lapsusin’ e kryetarit të PD, Lulzim Basha, në parlament, i cili më pas u përdor shumë nga vetë Rama dhe të tijët e tij.
“Lapsus bëre natyrisht! Por ke dy vjet që e ke bërë këngë lapsusin e kreut të opozitës me tabelën e shumëzimit! Po ta kthejë ai me të njëjtën monedhë lapsusi yt është makabër se janë 30 jetë njerëzish dhe jo gogla të tabelës së shumëzimit, o Kryeministri Ynë legjendar!”, – shkruan Kadia në postimin e tij.
