Kryeministri Edi Rama njofton se dita e nesërme, që përkon me 1 Majin, do të jetë e hapur për të gjithë ata që duan të punojnë. Sipas Ramës pasditen e sotshme, do të jetë Ministria e Shëndetësisë që do të japë detaje sesi do të jenë masat për javën në vijim dhe për zgjerimin e zonave të Gjelbërta.
Postimi i Ramës: NË PËRGJIGJE TË SHUMË PYETJEVE PËR DITËN E NESËRME, 1 MAJ: Nuk do të ketë mbyllje të detyrueshme dhe të gjithë ata që duan të punojnë mund të punojnë, me të njëjtat rregulla si të çdo dite të kësaj jave. Ministrja e Shëndetësisë do të publikojë mbasdite të rejat lidhur me javën në vijim dhe zgjerimin e Zonave të Gjelbërtan,
Dita e premte që përkon dhe me ditën e punëtorëve do të jetë pushim për të gjithë punonjësit e administratës, dhe me siguri dhe për bankat apo sportelet e tjera të shërbimit.
