BallinaAktualitetHapen parukeritë dhe berberët – Protokolli/Qese për këpucët, mbështjellëse për karriket e...

Hapen parukeritë dhe berberët – Protokolli/Qese për këpucët, mbështjellëse për karriket e dezinfektim për çdo mjet pune

Teksa Ministria e Shëndetësisë parashikon hapjen e parukerive dhe berberëve në datën 11 maj, është bërë gati dhe protokolli i verdhë që duhet të ndjekin këto subjekte për të frenuar përhapjen e COVID- 19. Kështu, në hyrje, çdo klient pajiset me veshje plastike (qese) një përdorimshe për këpucët, të cilat hidhen në kosh në dalje.Gjithashtu, në hyrje drejtuar direkt për në dhomën e zhveshjes, çdo klient që kryen shërbime të trajtimit trupor duhet të pajiset me veshje një përdorimshe, e cila më pas hidhet në kosh.

Sipas protokollit, karriket, poltronat, krevatet etj. ku ofrohen shërbimet duhet të vishen me mbështjellëse letre të tipit roll-on me një përdorim. Në mungesë të mbështjellëses, vendet e ofrimit të shërbimit duhet të dezinfektohen mirë për çdo klient. Peshqirët duhet të jenë të ambalazhuar/paketuar dhe të përdoren vetëm njëherë për çdo klient, ndërsa pas përdorimit hidhen në kosh të mbyllur të veçantë dhe lahen çdo ditë. Në hyrje dhe dalje subjekti duhet të ofrojë produktin higjenizues të duarve me mbi 60% alkool për personelin dhe këdo që hyn e del në ambientet e brendshme. Gjithashtu, protokolli kërkon që çdo pajisje pune si gërshërë, makina qethëse, furça, krehër, pjastra, pajisje depiluese, kapëse plastike, mjete pune druri, metalike apo plastike etj.

Duhet dezinfektuar për çdo klient si dhe para e pas mbylljes së aktivitetit ditor. Për pajisjet metalike të punës rekomandohet edhe përdorimi i sterilizimit me autoklava. Sipas protokollit, këto subjekte duhet të sigurojnë me mjetete e tyre financiare  dorezat, maskat dhe dezinfektanin me mbi 60% alkool, duke bërë dezinfektimin e duarve para dhe pas çdo klienti që shërbehet. Po ashtu, maska duhet mbajtur gjatë gjithë kohës, jo vetëm nga punonjësit, por edhe nga klientët. Për shërbimet e fytyrës mund të mos mbahet maskë, por sugjerohet mbajtja e distancës sa më e madhe të jetë e mundshme.

Subjekti duhet të garantojë dhe respektojë në çdo moment distancën prej 2 metrash midis klientëve në çdo drejtim. Në rast të pamjaftueshmërisë së hapësirës subjekti shërben aq klientë sa i lejon hapësira duke respektuar detyrimin e mësipërm. Protokolli kërkon që subjekti duhet të kryejë dezinfektim të ambientit dhe larje para hapjes dhe pas mbylljes dhe të paktën 3 herë në ditë. Ndërkohë që, shërbimi duhet të jepet vetëm me prenotim online apo me telefon dhe nuk lejohet krijimi i rradhëve të pritjes në brendësi të ambientit apo jashtë tij.

spot_imgspot_imgspot_imgspot_img
spot_img
RELATED ARTICLES

Most Popular