Gjilan në alarm pas rritjes së infektimeve: mbyllet Pediatria, izolohen 5 familje

0

Nga 14 raste me koronavirus të raportuara mbrëmjen e djeshme nga Instituti i Kosovës, nëntë ishin nga komuna e Gjilanit. Kryetari i Gjilanit, Lufti Haziri, bashkë me shtabin emergjentë mbajtën një konferencë të jashtëzakonshme.

Haziri në këtë konferenë njoftoi se deri në vendim zyrtar të Ministrisë së Shëndetësisë, pesë familje do të vetizolohen si dhe do të mbyllet Pediatria në spitalin rajonal të Gjilanit

“Sot janë marrë 28 mostra prej të cilave nëntë kanë rezultuar pozitive si pasojë e rastit të mbrëmshëm ku një punëtore teknike në një klinikë private në Prishtinë është prekur e pastaj janë infektuar edhe tre familjarë të saj si dhe tre punëtorë shëndetësorë të Pediatrisë meqë njëra na anëtaret e kësaj familje është punëtore në Spitalin Regjional të Gjilanit – konkretisht në Pediatri”, njofton Gazeta Expres.

“Gjithsej janë pesë familje që u është vendosur masa e karantinimit derisa të vjen vendimi i Ministrisë së Shëndetësisë, të gjitha familjet janë vetizoluar si dhe të gjithë punëtorët e Pediatrisë të vetizolohet dhe Pediatria të mbyllet deri në një vendim të radhës”, deklaroi Haziri.

“Shërbimet tash kalojnë në shëndetësinë primare përmes pediatreve në QKMF”.

Haziri mes tjerash njoftoi se IKSHPK do të vazhdojë testimin për rastet e kontaktit. “Nesër IKSHPK-ja do të vazhdojë me teste për gjurmimin e rasteve të konktatit”. “Apeli im është që qytetarët të respektojnë rekomandimet e dhëna dhe të dalin vetëm në raste të domosdoshme duke respektuar orarin dy herë nga 90 minuta”, deklaroi Haziri.

© SYRI.net

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.