Nga Kastriot Dervishi
Modeli i një flete nderi për punonjësit e klasës punëtore në vitet ’50. Në krye janë kokat e Leninit, Enverit dhe Stalinit. Më poshtë shkruhen fjalët: “Nën udhëheqjen e partisë së Punës së Shqipërisë dhe shokut Enver Hoxha dhe me ndihmën e çmueshme të Bashkimit të madh Sovjetik, përpara për ndërtimin e bazave të socializmit në vendin tonë”.
Pas disa zbukurimeve shihen fjalët e Stalinit:
“Gjëja që bie në sy më shumë në garat, qëndron në faktin se ato sjellin një përmbysje rrënjësore në pikë, pamjen e njerëzve mbi punën sepse ato e transformojnë punën nga një barrë e turpshme dhe e rëndë, siç konsiderohej përpara, në një çështje nderi, në një çështje lavdie, një çështje trimërie, në një akt heroizmi”.
Ideja ishte që puna të konsiderohej çështje nderi dhe jo pagese.
