Presidenti i Serbisë Aleksandar Vuçiç ka folur për herë të parë për të ashtuquajturin “letrat shqiptare drejtuar Presidentit Donald Trump”, duke theksuar se ai kurrë nuk e ka nënvlerësuar iniciativën e tyre, pasi i konsideron ata “një faktor serioz në disa shtete në SHBA.”
“Unë kurrë nuk kam nënvlerësuar nismën e shqiptarëve, ato janë një faktor serioz në Bregun Lindor, Nju Jork dhe Uashington. Unë nuk mendoj se Trump është në anën tonë, por gjithashtu nuk mendoj se ai është një lloj personi që nuk dëshiron të dëgjojë mendimin tonë “, tha Presidenti serb, duke shtuar se “diaspora shqiptare është një problem serioz për Serbinë në aspektin politik ”, citon “Euronews.
Deklaratat e tij u bënë gjatë ditës së sotme, ndërsa nje nate me pare, Presidenti Meta tha se lobi serb ne Uashington ishte fuqizuar tejet shumë dhe se ai mund të përdorte shembjen e Teatrit Kombëtar për tensionim të situatës në Shqipëri.
Ndërkohë, Presidenti serb gjithashtu komentoi deklaratën e homologut kosovar, Thaçi se ai ëndërron që “Medvegja, Bujanovci dhe Presheva të jenë pjesë e Kosovës një ditë“.
“Unë nuk jam mjek dhe nuk dua të komentoj. Lëreni të ëndërrojë ”, tha Vuçiç me ironi.
Për më tepër, ai mohoi pretendimet për një ofertë për të shkëmbyer 17 fshatra serb në veri të Kosovës me Preshevën, Bujanovcin dhe Medvegjën, e propozuar nga nënkryetari i LDK-së, Lutfi Haziri.
“Askush nuk më ka thënë kurrë këtë gjatë jetës sime. Këto ide janë marrëzi. Në Medvegjë, popullsia shqiptare është vetëm 6.5% “, tha Vuçiç ndërsa përsëriti respektin e tij për ambasadorin amerikan Godfrey, duke shtuar se ai kurrë nuk ka ndjerë “ndonjë presion” nga ai për Kosovën.
/S.Ll/Panorama/
