Serie A do të rinisë! Pas një takimi që zgjati më pak se një orë mes qeverisë dhe krerëve të futbollit, ministri Spadafora ka shkuar te kryeministri Konte dhe ka caktuar datën e fillimit të kampionatit: 20 qershori.
“Takimi ka qenë shumë i domosdoshëm – tha Spadafora -, tani Italia po riniset dhe është e drejtë që të rinisë dhe futbolli. Sot erdhi “ok” nga Komisioni Teknik Shkencor për protokollin e federatës, që konrimon detyrimin e karantinës në rast të një lojtari pozitiv dhe që siguron se ecuria e tamponëve të lojtarëve nuk do të dëmtojë ecurinë e tamponëve për italianët. Nëse kurba e infektimeve do të rritet dhe kampionati do të jetë i detyruar të ndalet sërish, federata më ka siguruar për garancinë e një plani B, play-offin, dhe të një plani C, ngrirjen e renditjes. Në bazë të gjithë kësaj, mund të themi se kampionati mund të nisë më 20 qershor. Ekziston mundësia që më 13-17 të luhen gjysmëfinalet dhe finalja e Kupës së Italisë”.
Takimi i zhvilluar nëpërmjet videokonferencës nisi në orën 18:30 dhe ka pasur protagonistë Ministrin e Sportit Vinçenzo Spadafora, Federatën Italiane, Ligën, Sindikatën e Lojtarëve, Sindikatën e Trajnerëve dhe Sindikatën e Gjyqtarëve.
Takimi nisi me optimizën pasi lajmi i ardhur nga Bolonja për rezultatin negativ të njërit prej pjestarëve të stafit të skuadrës, por mbi të gjitha për “ok” e Komisionit Teknik Shkencor për prokollin e Federatës.
Anglia do të fillojë të luajë futboll më 17 qershor, pas tyre e kishte radhën Italia që të njoftonte se edhe atje do të rifillojë kampionati më 20 qershor.
Sipas Goal.com të 92 ndeshjet e mbetura pa luajtur do të jepen live në televizion ku disa do të keni kënaqësinë t’i ndiqni në platformën digitalb.
Një ndër ekipet që e priste me padurim këtë lajm është Liverpool dhe tifozët e saj të cilët kanë që në vitin 1990 që nuk fitonin trofeun e ligës së parë dhe tashmë janë shumë pranë ku vendi i dytë Manchetser City është 25 pikë pas kur kanë mbetur edhe 10 takime.
