Një sherr midis të rinjsh me armë të ftohta ka ndodhur në mbrëmje në qytetin e Korçës.
Policia lokale bën me dije se në sherr janë përfshirë tre të rinj të cilët ndodhen aktualisht për trajtim mjekësor në Spitalin e Korçës.
Korçë/Informacion paraprak
Në datën 23.06.2020, rreth orës 21:20, në lagjen nr. 2, gjatë një konflikti për motive të dobëta, dyshohet të jenë dëmtuar me mjet prerës shtetasi M. R., rreth 18 vjeç; R. D., rreth 21 vjeç dhe një shtetas tjetër rreth 25 vjeç, të cilët aktualisht ndodhen në Spitalin e Korçës nën kujdesin e mjekëve.
Grupi hetimor po punon për sqarimin e rrethanave të ngjarjes.
