Një video e një çifti që duken në momente intime në makinën me logon e Kombeve të Bashkuara është bërë virale në internet orët e fundit, duke shkaktuar edhe reagimin e fortë të organizatës.
Video sipas mediave të huaja është xhiruar në Tel Aviv, dhe në të duket një grua me një fustan të kuq duke qëndruar sipër një burri në sediljen e pasme të një makine të bardhë me logon e Kombeve të Bashkuara.
“UN”, Kombet e Bashkuara në deklaratën e tyre kanë thënë se janë të “tronditur dhe të shqetësuar shumë” pasi një video e një çifti siç duket duke bërë seks në një nga makinat e saj zyrtare në Izrael u bë virale në rrjetet sociale”, sipas një raporti nga BBC.
Sias Daily Mail, nga lëvizjet e tyre, duket se të dy personat janë duke bërë marrëdhënie seksuale.
“Një burrë tullac i ulur në sediljen e përparme duket qartë në video”, shkruajnë mediat e huaja.
Sipas BBC, video është filmuar në rrugën kryesore nga bregdeti i Tel Aviv për në Izrael.
Raporti thotë se targa e makinës i përket Organizatës së Kombeve të Bashkuara për Mbikëqyrjen e Kërcënimeve (UNTSO).
“Ne jemi thellësisht të shqetësuar nga përmbajtja e videos që me sa duket ka të përfshirë personel nga #UNTSO. Një hetim ka nisur urgjent dhe po zhvillohet shumë shpejt. Do të ndërmerret një veprim i duhur”, tha zëdhënësi i Kombeve të Bashkuara.
Stéphane Dujarric, zëdhënësi i Sekretarit të Përgjithshëm të KB, António Guterres, e përshkroi videon 18 sekondëshe si “të neveritshme” dhe tha se një lloj sjellje e tillë “është kundër gjithçkaje për të cilën ne duam dhe jemi duke punuar për të arritur në drejtim të luftimit të sjelljeve të gabuara nga Stafi i KB”.
