Plagosja në Elbasan, policia arreston pronarin e lokalit pasi tentoi të prishë provat

0

Policia e Elbasanit ka arrestuar pronarin e lokalit ku mbrëmjen e djeshme mbeti i plagosur një person.

Në pranga ka rënë shtetasi R. L., 25 vjeç, banues në Elbasan.

Sipas policisë, i riu ka tentuar të prishë vendin e ngjarjes ku kishte ndodhur plagosja e L.I si dhe ka kundërshtuar me dhunë punonjësit e Policisë të Patrullës së Përgjithshme.

“Arrestimi i tij u bë pasi në lokalin në pronësi të tij, ku u plagos me mjete të forta shtetasi L. I., ka tentuar të prishë vendin e ngjarjes, duke i kundërshtuar me dhunë shërbimet e Policisë që po bënin sigurimin e vendit të ngjarjes”.

Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.

Mbrëmjen e të martës (30 qershor) shtetasi L.H u godit me mjete të forta në ambjentet e jashtme të një lokali nga persona akoma të paidentifikuar.

Ngjarja ka ndodhur në lagjen e ‘Kinezve’. Shtetasi në fjalë është transportuar në Spitalin Rajonal Elbasan, për ndihmë mjeksore, ku ndodhet jashtë rrezikut për jetën.

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.