Marrëveshja e firmosur mes PS dhe opozitës parlamentare për ndryshimet kushtetuese dhe hapjen e listave ka sjellë reagimin e përfaqësuesit të PD në Këshillin Politik dhe ish-deputetit të PD-së, Oerd Bylykbashi.
Teksa e quan atë ‘pakt vrasësi’, në një shënim në facebook, Bylykbashi shkruan se firmosja e marrëveshjes së sotme prish një marrëveshje tjetër që është ajo e 5 qershorit.
Më tej ish-deputeti i PD-së thotë se “21 korriku është katër vjetori i marrëveshjes per Kushtetuten qe u shkel nga Edi Rama menjehere pas miratimit te saj”.
Postimi i plotë:
Pakt-vrasesi
Vetem Edi Rama eshte i afte qe te beje nje marveshje per te prishur nje marveshje tjeter. E deklaroi pas 5 qershorit se do ta griste marveshjen dhe kete e beri fakt sot me 21 korrik me ate karagjozaten qe e shiti per marveshje.
Mos harroni! 21 korriku eshte kater vjetori i marveshjes per Kushtetuten qe u shkel nga Edi Rama menjehere pas miratimit te saj. Nuk e kapercen dot veten dhe ta respektoje shprehjen antike romake “Pacta sunt servanda’ (Paktet zbatohen)
