Mediat greke i kanë kushtuar një artikull vizitës së kryeministrit shqiptar, Edi Rama në Greqi dhe takimit të tij me zyrtarët e lartë të shtetit helen.
Gjatë këtij takimi u diskutuan çështje të ndryshme, mes të cilave iu dha më shumë rëndësi kufirit detar mes Shqipërisë e Greqisë, forcimin e marrëdhënieve mes Greqisë dhe Maqedonisë së Veriut, apo dhe tensioned Greqi-Turqi.
Media fqinje newsbeast.gr shkruan se Rama dhe ish-ministrja e Jashtme greke, Dora Bakoyannis kryqëzuan shpatat, me qëllim sheshimin e diferencave mes Shqipërisë e Greqisë.
Në fjalën e tij Rama tha se dy vendet herët a vonë do arrijnë në një marrëveshje lidhur me kufirin detar.
Ai gjithashtu rekomandoi ndërmjetësimin e palëve të treta. Një gjë e tillë u kundërshtua nga Bakoyannis.
“Edhe pse 10 ose 12 vite më pas nuk kemi akoma një marrëveshje është e rëndësishme që të gjejmë një zgjidhje për vende tona pa ndërhyrjen e palëve të treta.
Unë në Greqi njihem si një mbështetëse e fortë e dialogut mes Turqisë dhe Greqisë por një gjë e tillë ndodh vetëm nëse nuk ka kërcënime për luftë, dhe shpresoj që presidenti Erdogan do të bëjë të gjithë përpjekjet për të mos përshkallëzuar tensionet dhe retorikën e viteve, kjo nuk është një mënyrë e suksesshëm për të bërë politikën dhe për Turqinë.
Mund t’i rikthejmë retorikës për të gjetur një zgjidhje për të dy vendet dhe popujt tanë. Unë shpresoj se është i qartë, mesazhi nga BE dhe i shumicës nga vendet e Mesdheut dhe shpresoj që fryma e sotme mes tre vendeve tona do të ndikojë”, deklaroi ajo.
