“Loja e propagandës mbaron në 25 prill”- Ina Zhupa nxjerr videon: Premtimi i Bashës për rrogën bazë 300 euro, që në shtator të 2019

0

Zëdhënësja e Partisë Demokratike, Ina Zhupa përmes një shënimi në facebook thotë se “në 25 prill do të mbarojë loja për propagandën e Edi Ramës”.

Teksa publikon një video me deklaratën e Bashës dhe të Ramës sa i përket vlerës së rrogës bazë të shqiptarëve, Zhupa thotë se kryeministri aktual di vetëm të kopjojë angazhimin publik të kreut të demokratëve.

Në video shihet se Basha në një deklaratë në shtator të 2019 thotë se në 6 mujorin e parë të qeverisjes së tij rroga bazë do jetë 300 euro,  ndërsa Rama thotë në shkurt të 2020 se nga 1 janari i 2021 do të jetë 300 mijë lekë.

“Lulzim Basha ka prezantuar disa nga pikat e planit tonë për ringritjen e ekonomisë, me parimin bazë: paratë duhet të jenë në xhepat e qytetarëve dhe jo të pushtetarëve dhe oligarkëve. Ndërsa Rama që dështoi 8 vjet në pushtet pa bërë asgjë në shërbim të qytetarëve, di vetëm të kopjoj angazhimin publik të Bashës.

Game Over në 25 prill, për propagandën e Ramës !” shkruan Zhupa.

 

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.