Një i dyshuar si organizatori i një rrjeti të fermave të kanabisit në Mbretërinë e Bashkuar, duke përfshirë një strukturë prej 1 milion paund në Coventry është arrestuar.
Pamjet tregojnë se si oficerët e Agjencisë Kombëtare të Krimit (NCA) hynë me forcë në një pronë në Birmingham për të arrestuar shtetasin vietnamez 33-vjeçar mëngjesin e kësaj të mërkure.
Ai u ndalua nën dyshimin e komplotit për të prodhuar dhe shpërndarë kanabis, ndërsa bashkëpunëtori i tij 24 vjeçar u arrestua gjithashtu dhe tani po merret në pyetje.
Arrestimet pasojnë bastisjet në një seri ambientesh në të gjithë vendin që po përdoreshin për të kultivuar kanabis, duke përfshirë një ish-klub nate tre-katësh në qendër të qytetit Coventry, gjatë një operacioni të NCA në 15 tetor.
Atëherë u zbuluan 1.000 bimë, me vlerë rreth 1 milion paund, ndërsa u përshkrua si “një nga rritjet më të mëdha të zbuluara ndonjëherë nga NCA”.
Tre persona u arrestuan dhe u akuzuan për prodhimin e një droge të klasit B pas bastisjes.
Shtetasi shqiptar Andi Qani, 24 vjeç dhe shtetasi vietnamez Cao Van Vu, 31 vjeç, u paraqitën para Gjykatës së Magjistraturës në Coventry të nesërmen ku u caktua paraburgimi deri në paraqitjen e tyre të radhës në Gjykatë më 12 nëntor.
Njeriu i tretë, shtetasi shqiptar Adrian Lleshaj, i kapur, rezultoi të ishte në kërkim nga autoritetet gjermane i akuzuar për grabitje.
28-vjeçari u dërgua në Gjykatën e Magjistraturës në Ëestminster për të kryer procedurat e ekstradimit.
Fermat e tjera të dyshuara për lidhje me grupin e krimit përfshijnë një të bastisur nga Policia e Ëest Midlands në vendin e një pubi të vjetër në Hockley, Birmingham, në shtator, dhe një tjetër të gjetur nga Lancashire Police në një ish-hotel.
