Imazheristi bën denoncimin: Te Shefqet Ndroqi 3000 euro remdesiviri, mjeku përfiton 10% nga receta me telefon
I ftuar në Tempora nga Sonila Meço në RTV Ora, mjeku imazherist Renato Osmënaj u shpreh se janë blerë te Shefqet Ndroqi 6 flakonë Remdisivir për 3000 euro për terapi spitalore.
Osmënaj: Janë blerë te ‘Shefqet Ndroqi’ 6 flakonë Remdisivir për 3000 euro për terapi spitalore. Për këtë varem në litar që është e vërtetë. Unë mendoj se problemi është se nuk flasin mjekët. Pacienti nuk mund të flasë se si ka vuajtur, mjekët nuk flasin se zotëria thotë me të drejtë se pacientët kërkojnë ndihmë te disa mjekë, që tregon se pandemia është menaxhuar keq.
Ne duhet të dalin në një qëndrim të unisuar. Këtu është bërë një anarki nga keqmenaxhimi qysh me 8 mars. Secili bluan në mendje të vet, duke përfituar nga receta e dhënë me 10 %. Mjeku nuk e sheh pacientin dhe vetëm komunikon në telefon. Tabloja e të sëmurit nuk bëhen me telefon.
