Arti në zi! Një tjetër personazh i njohur i kinematografisë shqiptare është ndarë nga jeta. Bëhet fjalë për regjisorin Muharrem Fejzo. Ky i fundit ishte prej 2 javësh i shtruar në një spital në Itali, pasi vuante nga një sëmundje e rëndë.
Lajmin e hidhur e ka bërë të ditur djali i tij, Joe Fejzo. Fejzo ndërroi jetë në moshën 87-vjeçari, ndërkohë që nga mesazhi i të birit duket se regjisori ka qenë i infektuar dhe nga COVID, pasi nuk ka mundur t’i qëndrojë babit pranë për herë të fundit.
“Lamtumirë babo. Pusho në paqe në krahët e të madhit Zot, e të gjithë të dashurve atje sipër. Më fal që nuk të përkëdhela dot, e s’të dhashë dot një gotë ujë, nuk meriton një ikje të tillë. Artisti ynë. Miku ynë. Babai i përgjëruar. Bashkëshorti i jetës”, shkruan djali i regjisorit
