Pekini ka ndërtuar një rrjet të avancuar të monitorimit dhe parashikimit të motit, për Olimpiadën dimërore, bënë të ditur autoritetet lokale kineze, citon “Xinhua”.
Qëkur mori të drejtën për organizimin e Lojërave Olimpike dimërore të vitit 2022, Pekini ka ndërtuar 17 staticione observimi meteorologjik, katër mbështetës në rast emergjence, në zonat e garave në Yanqing, si dhe tre stacione meteorologjike në zonat e garave në Pekin.
“Këta stacione janë në gjendje të monitorojnë shpejtësinë dhe drejtimin e erës, reshjet e shiut, temperaturën dhe lagështinë e ajrit, rrezatimin dhe elemente të tjera meteorologjike, 24 orë në 24”, -deklaroi Shi Shaoying, kreu i skuadrës së shërbimit meteorologjik të Yanqing, i cili theksoi se stacionet do të japin një ndihmesë të madhe sidomos për eventet e skive, të zhvilluara në mal, larg qytetit. (Irma)
