Teksa vazhdon puna në strukturat e Partisë Demokratike për fitoren e 25 prillit, njëkohësisht në disa degë të strukturave partnere si FRPD dhe Lidhjes së Gruas po kryhet ristrukturimi i tyre duke zgjedhur në krye të degëve personalitete që do ta çojnë më tej punën e mirë si dhe punojnë së bashku që më 25 prill PD të korrë fitoren e sigurt përballë Rilindjes e konsideruar tashmë nga të gjithë si e keqja e këtij vendi.
Ndryshe nga Rilindja në pushtet që gratë i konsideron si trofe personale të liderëve, për Partinë Demokratike pjesmarrja dhe angazhimi i tyre në politikë dhe në këtë sfidë të madhe të largimit të PS nga pushteti është shumë i rëndësishem dhe jetik, nje kontrobut i nevojshëm.
Kryetarja e Lidhjes Demokratike të Gruas (LDG), Albana Vokshi veç të qenit aktive në politikën e ditës siç ka ditur ta bëj mese mire ne keto 7 vite te keqqeverisjes se vendit, me demaskimin e të keqes para shqiptarëve, prej dy muajsh ka lëvizur për të konsoliduar degët e Lidhjes Demokratike të Gruas atje ku e kanë pas të nevojshme forcimin e më të nevojshme.
Në krye të LDG Krujë u zgjodh znj.Merita Bakiu, të degës nr.3 Tiranë Aida Shehu, dega Patos Pranvera Mahmutaj (Rizaj), Fushë-Krujë Armela Tema, Shijak Blerina Shahini, Cërrik Desara Xhika, Belsh Shpresa Sallja, Peqin Silva Sufali, dega nr.10 Tiranë Enkeleda Skënderi, Librazhd Majlinda Çekani si dhe Përrenjas Violeta Mema.
