Këngëtarja e famshme me origjinë shqiptare, Rita Ora, thuhet se është paguar me 1 milion dollar për sezonin e radhës të “The Masked Singer”. Duke cituar një burim, “Mirror” shkruan se 30-vjeçarja ka arritur një marrëveshje të re.
“Rita bëri një marrëveshje prej 1 milion dollarë për seri në rolin e saj si gjyqtare. Ata ishin vërtet të etur për të siguruar kthimin e saj pasi ajo kishte qenë një hit i madh në serinë e parë dhe natyrisht se Rita është një fytyrë shumë e dashur për publikun”, ka thënë burimi.
“Mirror” vijon duke shkruar se Davina McCall dhe Jonathan Ross janë rikthyer si gjyqtarë së bashku me Ritën. Ky njoftim vjen në një kohë kur u bë me dije se Rita u largua nga Britania pas skandalit për thyerjen e rregullave duke organizuar një festë për 30-vjetorin e lindjes së saj.
