Edhe pse u rindërtua në vitin 2018, ura e lumit Drojë në Mamurras rrezikon të shembet. Banorët të shqetësuar flasin për rrezikun që u kanoset ndërsa institucionet nuk kanë reaguar. Një sipërfaqe e madhe toke ka rrëshqitur në shtratin e lumit, ndërsa ura ka nisur të lëkundet.
Për emisionin “Shqipëria Live” një banor i fshatit Shpërdhet ka treguar se janë mbi 600 banorë të izoluar gjatë 24 orëve.
Ndërkohë kryeplaku i fshatit tha se kur u bë devijimi i rrugës, ata kanë bërë ankesa, por që askush nuk është marrë me këtë punë.
“Mbi 120 familje janë të izoluara totalisht. Të bëhet një projekt për rrugën këtu. Mos t’i marrim njerëzit në krah që t’i dërgojmë në banesën e fundit. Situata përsëritet çdo vit, institucionet marrin vetëm masa provizore”, tha ai.
