27-vjeçari shqiptar, emri i të cilit nuk është bërë i ditur, që mbeti i plagosur në Patra një prej plumbave e ka kapur në kokë.
Aktualisht i riu ndodhet i shtruar në spitalin Universitar të Patras dhe mjekët raportojnë se është në vdekje klinike.
Sipas raportimeve të “Tempo24”, 27-vjeçari ka marrë një plumb në kokë, pranë veshit dhe plumbin e ka ende në kokë, por ende nuk i është nënshtruar një operacioni pasi gjendja e tij eshte tejet kritike.
Paraprakisht dyshohet se grupi që ishte në mbrojtje të shqiptarit merreshin me menaxhimin e klubeve të natës. Ata u shfaqën edhe në spitalin ku i plagosuri rëndë u transportua.
Policia paraprakisht dyshohet se autorët mund të jenë po shqiptarë, ndërsa motivi i ngjarjes së rëndë po hetohet.