Prej mbrëmjes së djeshme Shqipëria është mbërthyer nga moti i keq me reshje bore thuajse në gjithë territorin e vendit.
Bora dhe ngrica kanë shkaktuar probleme të shumta në disa prej akseve kombëtare, duke lënë të bllokuar mijëra qytetarë për disa orë, kryesisht gjatë natës.
Kryeministri Edi Rama e nisi ditën duke postuar një video nga Tirana, ndërsa shkruan: “Shën VALENTIN i rrallë fare ky sot në Tiranë…”.
Por pas videos, kanë vërshuar me dhjetëra komente, ku qytetarët ankohen se nuk kanë ujë as drita dhe se janë të bllokuar.
“Lëri videot dhe hap rrugët”, i thonë ata. Shihni komentet në foto./ Gazeta SHQIP
