Një e moshuar humbi jetën për shkak se rruga në fshatin Limjan të Dibrës ishte bllokuar. Sasia e borës ishte shumë e madhe dhe në disa zona shkon deri në 1 metër.
Bllokimi i borës i ka kushtuar humbjen e jetës 71-vjeçare, pasi nuk mund të transportohej me kohë në makinë për marrjen e ndihmës mjekësore më të specializuar.
E ndjera po dërgohej me makinë për në spitalin e Peshkopisë, por edhe pse të rinjtë e zonës mundonin të shtynin makinën me duar makinën e bllokuar në borë, ata e patën të pamundur ta transportonin në kohë.
Djemtë mbanin disa lopata në duar dhe tentonin të largonin dëborën dhe të bënin rrugën e kalueshme makinën brenda së cilës ndodhej F.Shehu
Ngjarja ndodhi të dielën. Burime bëjnë me dije se e moshuara F.Shehu kishte pësuar paralizë dhe po dërgohej për kurim në spital.
