Ousmane Dembele ka shënuar një supergol për Barcelonën në ndeshjen ndaj Sevillas.
Blaugranat mbyllën pjesën e parë të ndeshjes kthyese gjysmëfinale të Copa del Rey 1-0, pasi kishin nevojë për një paraqitje të madhe këtë mbrëmje, duke pasur parasysh humbjen 2-0 në ndeshjen e parë.
I janë dashur vetëm 12 minuta blaugranasve për të gjetur golin me anë të një goditje brilante nga Dembele.
Sulmuesi francez bëri disa lëvizje të mira jashtë zonës përpara se ta lëshonte një ‘raketë’ në drejtim të portës së Sevillës.
